Um Samtök um sárameðferð

Stofnun sárasamtaka á Íslandi

Þann 28. október 2004 voru loksins stofnuð samtök um sárameðferð, þau fyrstu sinnar tegundar á Íslandi. Áhugafólk um sárameðferð hafði oft rætt um mikilvægi þess að stofna þverfagleg samtök, en ekkert orðið úr.

Markmið samtakanna, eru að:

stuðla að aukinni þekkingu á sárgræðslu og sárameðferð
stuðla að samvinnu og samræmingu í meðferð sára í íslensku heilbrigðiskerfi
skipuleggja og halda ráðstefnur og fræðslufundi um sárameðferð
stuðla að auknum rannsóknum á sviði sárameðferðar á Íslandi
efla samskipti milli félagsins og annarra samsvarandi félaga innan lands sem utan

Hvers vegna eru þverfagleg sárasamtök mikilvæg?

Meðferð sjúklinga með sár er oft á tíðum mjög langvinn og erfitt getur verið að beina slíkum sjúklingum í réttan farveg innan heilbrigðiskerfisins.

Mikilvægt er að bæta þekkingu og samhæfingu í meðferð og er það m.a. hlutverk hinna nýju samtaka.

Það er von allra sem áhuga hafa á þessum málum að markmið samtakanna náist og að hið þverfaglega samstarf verði til þess að bæta hag þess fólks, sem glímir við langvinn sár. Jafnframt er mikilvægt að SumS taki þátt í alþjóðlegu samstarfi, m.a. með því að gerast meðlimur í EWMA.

Um Samtök um sárameðferð

Stofnun sárasamtaka á Íslandi

Hvers vegna eru þverfagleg sárasamtök mikilvæg?

Dagbók SUMS

Haustráðstefnan